ኢትዮጵያዊያን ያሸነፉበት የዓለም አቀፉ የታዳጊዎች ሮቦቲክስ ውድድር

🔇Unmute

አዲስ አበባ፤ ግንቦት 11/2018 (ኢዜአ) ፦ የኢትዮጵያ ታዳጊዎች ልዑክ በዓለም አቀፉ የታዳጊዎች የሮቦቲክስና ሰው ሰራሽ አስተውሎት ሻምፒዮና በመሳተፍ በህዝብ ምርጫ ሽልማት ዘርፍ 1ኛ በመሆን አጠናቋል፡፡

በሚቺጋን አሜሪካ ሎውረንስ ቴክኖሎጂ ዩኒቨርሲቲ በተካሄደው የ2026 የሮቦፌስት ዓለም አቀፍ የታዳጊዎች የሮቦቲክስና ሰው ሰራሽ አስተውሎት ሻምፒዮና ኢትዮጵያዊያን ተወዳዳሪዎች አስደናቂ ድሎችን አስመዝግበዋል።

ዘንድሮ በተካሄደው ውድድር (Robofest 2026 International Championships) ኢትዮጵያውያን ታዳጊዎች ከ39 የቴክኖሎጂ ሀያላን ሀገራት ከተወጣጡ 738 ቡድኖች ጋር በመፎካከር ነው በተለያዩ ዘርፎች ማሸነፍ የቻሉት፡፡

በውድድሩ በህዝብ ምርጫ ሽልማት ዘርፍ ኢትዮጵያውያን ታዳጊዎች ቀዳሚ በመሆን ሲያሸንፉ፥ በህክምና ሮቦቲክስ ዘርፍ 5ኛ እንዲሁም በፈጠራ ማሳያ 6ኛ ደረጃን በመያዝ አጠናቀዋል፡፡

ከአንድ ወር በፊት በግሪክ በተካሄደው ዓለም አቀፍ ሚኖአን ሮቦቲክስ ሻምፒዮና ላይ ኢትዮጵያውያን ታዳጊዎች 2ኛ ደረጃን በማግኘት የሀገራቸውን ስም ማስጠራታቸው የሚታወስ ነው፡፡