ባለፉት ዓመታት የማዕድን ዘርፉ ዕድገት በፍጥነት እየጨመረ መጥቷል- ሚኒስትር ኢንጂነር ሀብታሙ ተገኝ

🔇Unmute

አዲስ አበባ ፤ ሐምሌ 30/2018 (ኢዜአ) ፦ባለፉት ዓመታት የማዕድን ዘርፉ ዕድገት በፍጥነት እየጨመረ መምጣቱን የማዕድን ሚኒስትር ኢንጂነር ሀብታሙ ተገኝ ገለጹ።

ሚኒስቴር መሥሪያ ቤቱ የ2018 በጀት ዓመት የሥራ አፈጻጸም እና የ2019 በጀት ዓመት ዕቅድ ላይ ግምገማ እያካሄደ ይገኛል።

በዚህ የግምገማ መድረክ የማዕድን ሚኒስትር ኢንጂነር ሀብታሙ ተገኝን ጨምሮ የተጠሪ ተቋማት የሥራ ኃላፊዎችና ሠራተኞች ተገኝተዋል።

በዚሁ ወቅት የማዕድን ሚኒስትሩ ኢንጂነር ሀብታሙ ተገኝ፤ የማዕድን ዘርፍ ከአምስቱ የሀገሪቱ የኢኮኖሚ ምሰሶዎች አንዱ መሆኑን ገልጸው፣ ባለፉት ዓመታት የዘርፉ ዕድገት በፍጥነት እየጨመረ መምጣቱን አመላክተዋል።

በዚህም በተጠናቀቀው በጀት ዓመት ከዚሁ ዘርፍ 5 ነጥብ 7 ቢሊዮን ዶላር የውጭ ምንዛሬ ማግኘት መቻሉን ገልጸዋል።