በኢትዮጵያ እየተከናወኑ ያሉ የልማት ጥረቶችና እየተመዘገበ ያለው ስኬት የሚደነቅ ነው - አምባሳደር ኒኮላስ ሲማርድ

🔇Unmute

ሀዋሳ፤ ጥቅምት 17/2019 (ኢዜአ)፡- በኢትዮጵያ እየተከናወኑ ያሉ ሁለንተናዊ የልማት ጥረቶችና እየተመዘገበ ያለው ስኬት የሚደነቅ ነው ሲሉ በኢትዮጵያ የካናዳ አምባሳደር ኒኮላስ ሲማርድ ገለጹ።

አምባሳደሩ የኢትዮጵያና የካናዳ የሁለትዮሽና ሁለንተናዊ የትብብር ግንኙነት ተጠናክሮ እንደሚቀጥል ተናግረዋል።

በከተሞች ልማት አዲስ አበባን ጨምሮ ሰሞኑን የመጎብኘት አጋጣሚ አግኝተው የተመለከቷት የሀዋሳ ከተማ እንዲሁም የሌሎች እድገትና ዘመናዊነታቸው አስደናቂ መሆኑን ገልጸዋል።

ከመሰረተ ልማት ግንባታ ባሻገር በሌሎችም የልማት መስኮች የሚታዩ ጥረቶች ለሀገሪቷ እድገት መልካም ጅምሮች መሆናቸውን አንስተዋል።

በመሆኑም በኢትዮጵያ እየተከናወኑ ያሉ ሁለንተናዊ የልማት ጥረቶችና እየተመዘገበ ያለው ስኬት የሚደነቁ መሆናቸውን ገልጸው የቡና ልማትን ጨምሮ በግብርናው ዘርፍ እምቅ የሆነ የመልማት እድል እንዳለ ተናግረዋል።

በካናዳ እና በኢትዮጵያ መካከል ረጅም ዘመን ያስቆጠረ ጠንካራ የትብብር ግንኙነት መሆኑን አንስተው፤ በቀጣይም በግብርና፣ ኢንቨስትመንትና ሌሎችም ዘርፎች ይበልጥ ተቀራርበን እንሰራለን ብለዋል።

በኢትዮጵያ እየተከናወኑ ያሉ ሁለንተናዊ የልማት ጥረቶችና እየተመዘገበ ያለው ስኬት የሚደነቅ መሆኑንም አምባሳደሩ አንስተዋል።

በመሆኑም በካናዳና ኢትዮጵያ መካከል 60 ዓመታትን የዘለቀው ወዳጅነትና የትብብር ግንኙነት ይበልጥ ተጠናክሮ የሚቀጥል ይሆናል ብለዋል።

በኢትዮጵያ እና በካናዳ መካከል ረጅም ዘመን ያስቆጠረ ጠንካራ ዲፕሎማሲያዊ፣ ኢኮኖሚያዊ እና የሕዝብ ለሕዝብ ግንኙነት መኖሩን መረጃዎች ያመለክታሉ።