<p>የባቡር መንገደኞች በፋይዳ መታወቂያ የትኬት አገልግሎት የሚያገኙበት ስርዓት ተግባራዊ ሊሆን ነው</p>

አዲስ አበባ ፤የካቲት 15/2017(ኢዜአ)፦የኢትዮ-ጅቡቲ የባቡር ትራንስፖርት ተገልጋዮች ፋይዳ መታወቂያን ተጠቅመው በዲጂታል አማራጭ ትኬት የሚቆርጡበት አሰራር ከፊታችን ሰኞ ጀምሮ ተግባራዊ ይሆናል።

የኢትዮ- ጅቡቲ ባቡር አክሲዮን ማህበር ዋና ስራ አስፈጻሚ ታከለ ኡማ (ኢ/ር) መንገደኞች በመታወቂያው አማካኝነት ኦንላይን ትኬት መቁረጥ እንደሚችሉ በማህበራዊ ትስስር ገጻቸው ባሰፈሩት መልዕክት ገልጸዋል።

ይህም የባቡር ትራንስፖርት አገልግሎቱን ፈጣን፣ቀላል እና ይበልጥ ምቹ እንደሚያደርገው አመልክተዋል።

የኢትዮ- ጅቡቲ ባቡር አክሲዮን ማህበር፣ ኢትዮ ቴሌኮም እና ብሔራዊ መታወቂያ ፕሮግራም አገልግሎቱን በጋራ ማዘጋጀታቸውን ጠቁመዋል።