የሆሳዕና ከተማ መሶብ አንድ ማዕከል አገልግሎት ሥራ ጀመረ

🔇Unmute

ሆሳዕና፤ሰኔ 9/2018 (ኢዜአ)፦የማዕከላዊ ኢትዮጵያ ክልል ርዕሰ መስተዳድር እንዳሻው ጣሰው (ዶ/ር) የሆሳዕና ከተማን መሶብ አንድ ማዕከል አገልግሎት መርቀው ሥራ አስጀምረዋል።

ማዕከሉ በቴሌ፣በሰነድ ማረጋገጫ፣ በንግድና ገበያ ልማት፣ በገቢ፣በንግድ ባንክና በፖስታ ቤት የሚሰጡ ከ20 በላይ አገልግሎቶችን በአንድ ቦታ ለማኅበረሰቡ እንደሚሰጥም ተመልክቷል።

ማዕከሉ ከወረቀት ንክኪ የጸዳ ቀልጣፋ አገልግሎት ለማኅበረሰቡ ተደራሽ በማድረግ ረገድ ጉልህ አስተዋጽኦ እንደሚያበረክት ተጠቁሟል።

ርዕሰ መስተዳድሩ በተጨማሪም የክልሉ ንግድና ገበያ ልማት ቢሮ ያስገነባውን ዘመናዊ ከሰንበት እስከ ሰንበት የግብይት ማዕከልን መርቀው ለአገልግሎት ክፍት አድርገዋል።

የግብይት ማዕከሉ የግብርና፣የፋብሪካና የኢንዱስትሪ ምርቶችን በተመጣጣኝ ዋጋ በማቅረብ አምራቹንና ሸማቹን በቀጥታ በማገናኘት የማኅበረሰቡን ተጠቃሚነት በማረጋገጥ ረገድ ከፍተኛ አስተዋጽኦ እንደሚያበረክት ተገልጿል።

በመርሐ ግብሩ የክልል፣ የሀድያ ዞንና የሆሳዕና ከተማ ከፍተኛ የመንግሥት የሥራ ኃላፊዎችና ነዋሪዎች ተገኝተዋል።