በባሕር ዳር ከተማ በበጋ መስኖ ከለማው መሬት ከ596 ሺህ ኩንታል በላይ ምርት ተገኘ

🔇Unmute

ባሕር ዳር፤ ሚያዝያ 14/2018 (ኢዜአ)፡- በበጋ መስኖ ከለማው መሬት ከ596 ሺህ ኩንታል በላይ ምርት መገኘቱን የባሕር ዳር ከተማ አሥተዳደር ግብርና መምሪያ አስታወቀ።

በመምሪው የሆልቲካልቸር ዘርፍ የድኅረ ምርት ባለሙያ ኃይሉ መላክ ለኢዜአ እንደገለጹት፤ 17 ሺህ 635 አርሶ አደሮችን በማሳተፍ በተካሄደው የመስኖ ልማት 596 ሺህ 232 ኩንታል የስንዴ፣ የአትክልት፣ የቅመማ ቅመምና ሌሎች ሰብሎች ምርት ተገኝቷል።

ከዚህ ውስጥም በ6 ሺህ 140 ሔክታር ላይ ከለማው ማሳ የተገኘው 279 ሺህ 984 ኩንታል የስንዴ ምርት ከፍተኛውን ድርሻ ይይዛል ብለዋል።

ከበጋ መስኖ የተገኘው ምርት ከዕቅዱም ሆነ ካለፈው ዓመት ተመሳሳይ ወቅት ከተገኘው ምርት በላይ መሆኑንም አስረድተዋል።

በአጠቃላይ የተገኘውን ምርትም ለገበያ በማቅረብ የአቅርቦት እጥረት እንዳይኖርና የዋጋ ንረት እንዳይባባስ መደረጉን ጠቅሰዋል።