የኢትዮጵያ ፕሬስ ድርጅት - የኢትዮጵያ ድምጽ
ግንኙነት
ፈልግ
ማህበረሰብ እና ባህል

በአርባ ምንጭ ግብርና ምርምር ማዕከል የቀረቡ የተሻሻሉ የሰብል ዝርያዎች የአርሶ አደሩን ምርትና ገቢ እያሳደጉ ነው

Nov 17, 2026

IDOPRESS

🔇Unmute

አርባ ምንጭ፤ ሕዳር 7/2019 (ኢዜአ)--የአርባ ምንጭ ግብርና ምርምር ማዕከል ምርታማነትን የሚጨምሩ የተሻሻሉ የሰብል ዝርያዎችን በማላመድና የግብርና ቴክኖሎጂዎችን በማስፋፋት የአርሶ አደሩን ተጠቃሚነት እያረጋገጠ መሆኑን አስታወቀ።

የማዕከሉ ዳይሬክተር ረዳት ፕሮፌሰር ቱማ አየለ ለኢዜአ እንደገለጹት ማዕከሉ በሰብል ዘርፍ 74 የምርምር ተግባራትን እያከናወነ ይገኛል።

ከአካባቢው የአየር ንብረትና የአፈር ሁኔታ ጋር የሚስማሙ የተሻሻሉ የሰብል ዝርያዎችንና አዳዲስ የግብርና ቴክኖሎጂዎችን በማስፋፋት አርሶ አደሮችን ተጠቃሚ ማድረጉን ገልጸዋል።

ማዕከሉ የግብርና ምርምር ሥራዎቹን በጋሞ፣ ኮንሶ፣ ጋርዱላ እና አሌ ዞኖች ሲያከናውን መቆየቱንና ከቅርብ ጊዜ ወዲህም በጎፋ፣ ባስኬቶ፣ ቡርጂና ኮሬ ዞኖች እያከናወነ መሆኑን ጠቅሰዋል።

በዚህም የተሻሻሉ የአገዳ፣ የብርዕ፣ የጥራጥሬና የቅባት እህሎችን እንዲሁም የእንሰት፣ የሥራስር፣ አትክልትና የፍራፍሬ ሰብሎችን ዝርያ በማሰራጨት ለአርሶ አደሩ የምግብ ዋስትና መረጋገጥ በትኩረት እየሠራ መሆኑን ገልጸዋል።

የተሻሻሉና አዳዲስ ዝሪያዎችን ማቅረብ ብቻ ሳይሆን አርሶ አደሩ ከማሳ ዝግጅት ጀምሮ እስከ ምርት አሰባሰብ ድረስ ያሉ ሂደቶችን በተሻለ መንገድ እንዲያከናውን ሙያዊ ድጋፍ እያደረገ ይገኛል ነው ያሉት።

ማዕከሉ እያከናወናቸው ያሉ ተግባራት በሀገር ደረጃ ምርትና ምርታማነትን ለማሳደግ የተጀመረውን ሥራ በማገዝ በኩል ፋይዳው የጎላ መሆኑን ጠቁመዋል።

በማዕከሉ የሰብል ምርምር ሥራ ሂደት አስተባባሪና የዝርያ ማሻሻያ ተመራማሪ ካንኮ ጩንታሌ በበኩላቸው፣ ድርቅን መቋቋም የሚችሉ፣ በአጭር ጊዜ ለፍሬ የሚበቁና የተሻለ ምርት የሚሰጡ የሰብል ዝርያዎችን በማፍለቅና በማስፋፋት ውጤታማ ሥራ እየተከናወነ መሆኑን ገልጸዋል።

በማዕከሉ ለአርሶ አደሩ ከቀረቡ አዳዲስ ዝርያዎች መካከልም "አሸናፊ" የተሰኘው የእርግብ አተር ዝርያ፣ ሁለት የማሽላ እና ሁለት የካሳቫ ዝርያዎችን በማሳያነት ጠቅሰዋል።

ከሌሎች የግብርና ምርምር ማዕከላት ጋር በመቀናጀት "ሻፌታ" እና "ሀዋሳ 18" የተሰኙ የስኳር ድንች ዝርያዎችንም በማፍለቅ ለአርሶ አደሩ እንዲሰራጩ መደረጉን ገልጸዋል።

ተጠቃሚ አርሶ አደሮች በበኩላቸው የማዕከሉ የግብርና ምርምር ውጤቶቹ በተግባር የአርሶ አደሩን ሕይወት እየቀየሩ መሆናቸውን ነው የተናገሩት።

በጋርዱላ ዞን ደራሼ ወረዳ አርጉባ ጣናኦ ቀበሌ ነዋሪ አርሶ አደር ዘርፉ ዳትኮ የተሻሻሉ የማሽላ፣ የበቆሎና የቦሎቄ ዝርያዎችን በመጠቀም ምርታማነታቸውን እያሳደጉ መምጣታቸውን ገልጸዋል።

ከአካባቢው ማሽላ ከአንድ ሄክታር ከ15 እስከ 20 ኩንታል ሲያገኙ እንደነበረና ከተሻሻለው የማሽላ ዝርያ ከ35 አስከ 40 ኩንታል ማግኘታቸውን ገልጸዋል።

በበቆሎም ቀደም ሲል ከአንድ ሄክታር ከ20-30 ኩንታል የሚያመርቱትን የተሻሻለውን መጠቀም ከጀመሩ በኋላ ከ50 ኩንታል በላይ እያገኙ መሆናቸውን ተናግረዋል።

በማዕከሉ የተሻሻሉት የሰብል ዝርያዎቹ ምርታማነታቸውን በመጨመር ተጠቃሚ እያደረጋቸው መሆኑን ተናግረዋል።

በጋሞ ዞን ቦረዳ ወረዳ ኮዶ አውሳቶ አትሳ ቀበሌ ነዋሪ አርሶ አደር ጋንታ ኡማ በበኩላቸው የተሻሻለ የአኩሪ አተር ዝርያን በማምረት ከቤት ውስጥ ፍጆታ ባለፈ ለገበያ እያቀረቡ መሆናቸውን ገልጸዋል።

"ከአካባቢ አኩሪ አተር ከአንድ ሄክታር 10 ስክ12 ስናገኝ ነበር፤ በማዕከሉ የወጣ የተሻሻለው አኩሪ አተር መጠቀም ከጀመርኩ በኋላ ከሄክታር 35 ኩንታል ማግኘት ችያለሁ" ብለዋል።

ከዚህ ባሻገር በግብርና ባለሙያዎች ከማሳ ዝግጅት እስከ ምርት አሰባሰብ ድረስ የሚደረግላቸው ድጋፍ የተሻሻሉ ዝርያዎችን ውጤታማ እንዲሆኑ እያገዛቸው መሆኑን አስረድተዋል።

የኢትዮጵያ ፕሬስ ድርጅት - የኢትዮጵያ ድምጽ

የኢትዮጵያ ዜና አገልግሎት ወቅታዊ፣ ትክክለኛ እና አጠቃላይ የዜና ዘገባዎችን ለማቅረብ የሚሰራ የኢትዮጵያ የዜና ወኪል ነው። ጠቃሚ የሀገር ውስጥ እና አለምአቀፍ ሁነቶችን እንዘግባለን፣ ሀገራዊ ፖሊሲዎችን እና ማህበራዊ ለውጦችን በጥልቀት በመመርመር ለህዝብ፣ ለመንግስት ኤጀንሲዎች፣ ለንግድ ድርጅቶች እና ለአለም አቀፉ ማህበረሰብ ታማኝ የዜና ምንጭ እናቀርባለን። ጋዜጠኞቻችን በአገር ውስጥ እና በውጭ አገር አዳዲስ ዜናዎች እና መረጃዎች በተቻለ ፍጥነት እንዲደርሱ እና ግልጽነትን እና የህዝብ ተሳትፎን ለማስተዋወቅ ነው.

መግለጫ

በአርባ ምንጭ ግብርና ምርምር ማዕከል የቀረቡ የተሻሻሉ የሰብል ዝርያዎች የአርሶ አደሩን ምርትና ገቢ እያሳደጉ ነው

አርባ ምንጭ፤ ሕዳር 7/2019 (ኢዜአ)--የአርባ ምንጭ ግብርና ምርምር ማዕከል ምርታማነትን የሚጨምሩ የተሻሻሉ የሰብል ዝርያዎችን በማላመድና የግብርና ቴክኖሎጂ...

Nov 17, 2026

ታሪክ የማይዘነጋው ክህደት እና የኢትዮጵያዊያን አኩሪ ጽናት!

የኢትዮጵያ መከላከያ ሰራዊት የሀገርን ሉአላዊነት ከመጠበቅ ባለፈ የልማት አጋር በመሆንና በማህበራዊ አገልግሎት በመሳተፍ ህዝባዊነቱን በተግባር ያረጋገጠ ሰራዊት ...

Nov 3, 2026

በክልሉ የመልማት አቅሞችን በመጠቀም የህዝቡን ኑሮ ለማሻሻል የሚከናወኑ ተግባራት ይጠናከራሉ

ቁሊቶ ፤ ጥቅምት 15/2019 (ኢዜአ) ፦ በማዕከላዊ ኢትዮጵያ ክልል የመልማት አቅሞችን በመጠቀም ዘላቂ ሰላምና ልማትን በማፋጠን የህዝቡን ኑሮ ለማሻሻል የሚከና...

Oct 26, 2026

በሲዳማ ክልል የህዝቡን የልማት ተጠቃሚነት ይበልጥ ለማረጋገጥ ቅንጅታዊ ስራዎች ይጠናከራሉ

ሀዋሳ፤ ጥቅምት 3 /2019 (ኢዜአ)፦በሲዳማ ክልል የህዝቡን የልማት ተጠቃሚነት ይበልጥ ለማረጋገጥ ቅንጅታዊ ሥራዎች እንደሚጠናከሩ የክልሉ ርዕሰ መስተዳድር መሳ...

Oct 14, 2026