የታንዛኒያ ከፍተኛ የመከላከያ ኃላፊዎች የኢንፎርሜሽን መረብ ደህንነት አስተዳደርን ጎበኙ

አዲስ አበባ፤ መጋቢት 8/2017 (ኢዜአ):- የታንዛንያ ከፍተኛ የመከላከያ ኃላፊዎች በኢንፎርሜሽን መረብ ደህንነት አስተዳደር ጉብኝት አድርገዋል።

ኃላፊዎቹ የተቋሙን የታለንት ልማት ማዕከልን ጨምሮ በራስ አቅም የለሙ የመረጃና ኮሙዩኒኬሽን እንዲሁም ሌሎች አስቻይ የቴክኖሎጂ ምርትና አገልግሎቶችን ተመልክተዋል።

የኢንፎርሜሽን መረብ ደህንነት አስተዳደር ዋና ዳይሬክተር ወይዘሮ ትዕግስት ሃሚድ አጠቃላይ ተቋሙ በመንግስትና በህዝብ የተጣለበትን ኃላፊነት በሚገባ ለመወጣት በራሱ አቅም እያለማቸው ስላሉ ምርትና አገልግሎቶች ገለጻ ማድረጋቸውን ከአስተዳደሩ የተገኘው መረጃ ያመለክታል።